Babar Azam : 14 ऑक्टोबर रोजी बाबर आझमच्या नेतृत्वाखालील पाकिस्तान क्रिकेट संघ आयसीसी एकदिवसीय विश्वचषक 2023 मध्ये भारताशी भिडणार आहे. अहमदाबादमध्ये दोन्ही संघांमध्ये शानदार सामना रंगणार आहे. क्रिकेट विश्वातील सर्वात मोठी टक्कर पाहण्यासाठी क्रिकेटप्रेमी उत्सुक आहेत.
मात्र याआधी बाबर आझमने आपल्या कर्णधारपदाबाबत मोठे वक्तव्य केले आहे. बाबर आझमने 2023 विश्वचषकात भारताचा सामना करण्यापूर्वी पत्रकार परिषदेत त्याच्या कर्णधारपदाबद्दल खुलासा केला.
भारतीय संघाला मोठा झटका. शुभमन गिल नंतर आणखी एक भारतीय खेळाडू झाला डेंग्यूचा शिकार.
Babar Azam ने चाहत्यांना धक्का दिला
भारत विरुद्ध पाकिस्तान सामना क्रिकेटप्रेमींसाठी नेहमीच खास असतो. भारतीय आणि पाकिस्तानी चाहते या सामन्याची वर्षानुवर्षे वाट पाहत असतात. पण पाकिस्तान क्रिकेटचा इतिहास पाहिला तर लक्षात येईल की भारताविरुद्धच्या पराभवानंतर पाकिस्तान क्रिकेट बोर्डाने अनेक खेळाडूंकडून कर्णधारपद हिसकावून घेतले आहे.
अशा परिस्थितीत कर्णधार बाबर आझमने 14 ऑक्टोबर रोजी भारत आणि पाकिस्तान यांच्यातील सामन्यापूर्वी सामना गमावल्यानंतर कर्णधारपद गमावणार नाही, असे विधान केले होते. बाबर आझम मुलाखतीत म्हणाला कि,
“आतापर्यंत मला विश्वचषकात अपेक्षेप्रमाणे कामगिरी करता आलेली नाही. पण मला आशा आहे की मी भारताविरुद्ध चांगली कामगिरी करू शकेन. भारताविरुद्धच्या विजयावर किंवा पराभवावर कर्णधारपदाचे भवितव्य अवलंबून असते, असे मला वाटत नाही.
मला फक्त या सामन्यासाठी कर्णधारपद देण्यात आलेले नाही आणि एका कारणासाठी मी कर्णधारपद गमावणार नाही. मी ज्यासाठी पात्र आहे ते मला मिळेल. देवाने माझ्या नशिबात जे काही लिहिले आहे ते मला मिळेल.
भारतीय संघ वरचढ
Glenn Maxwell लाईव्ह मॅच दरम्यान धूम्रपान करताना कॅमेरात कैद, व्हिडिओ झाला व्हायरल
भारत आणि पाकिस्तान हे जगातील बलाढ्य संघ आहेत. दोन्ही संघात एकापेक्षा अनेक सरस खेळाडू आहेत. तथापि, इतिहास साक्षी आहे की आयसीसी स्पर्धांमध्ये भारतीय संघ नेहमीच पाकिस्तानला भारी पडला आहे. वनडे वर्ल्ड कपमध्ये टीम इंडिया अजिंक्य ठरली आहे.
भारत आणि पाकिस्तान यांच्यात सात सामने खेळले गेले आणि ते सर्व टीम इंडियाने जिंकले आहेत. अशा परिस्थितीत बाबर आझम आणि कंपनीने आपला पहिला विजय नोंदवावा अशी आशा पाकिस्तानी खेळाडूंना आणि चाहत्यांना आहे. मात्र भारताला आपले वर्चस्व कायम राखायचे आहे.