Rohit Sharma : पुढील वर्षी जून महिन्यात होणाऱ्या टी-20 विश्वचषक 2024 साठी सर्व संघांनी तयारी सुरू केली आहे. यासाठी टीम इंडियानेही तयारी केली आहे. बीसीसीआयने आता प्रशिक्षक राहुल द्रविड आणि सपोर्टिंग स्टाफचा करार T20 वर्ल्ड कपपर्यंत वाढवला आहे.
द्रविड आता टी-20 विश्वचषकापर्यंत संघाचा प्रशिक्षक असेल. पण संघाचा कर्णधार रोहित शर्मा आगामी T20 विश्वचषक खेळण्याबाबत अजूनही साशंकता आहे. त्याच्या खेळण्याबाबत बोर्डाचे सचिव जय शाह यांनी मोठे वक्तव्य केले आहे.
Rohit Sharma चे संघातील स्थान निश्चित नाही
बीसीसीआयचे सचिव जय शाह यांनी पुष्टी केली आहे की रोहित शर्माच्या T20 संघात निवड करण्याबाबत कोणतेही आश्वासन दिले जाऊ शकत नाही. असे मानले जात आहे की रोहितला 3 ते 30 जून या कालावधीत आयसीसी स्पर्धेसाठी संघात समाविष्ट केले जावे आणि काही माध्यमांनी असे सुचवले आहे की त्याने आगामी T20 विश्वचषक स्पर्धेतील त्याच्या भूमिकेबद्दल स्पष्टता मागितली आहे. ते म्हणाले,
“आपल्याकडे अफगाणिस्तानसोबत टी-20 मालिका आणि टी-20 विश्वचषकापूर्वी इंडियन प्रीमियर लीग आहे आणि आम्ही याबाबत चांगला निर्णय घेऊ.”
Rohit Sharma बऱ्याच दिवसांपासून टी-20 क्रिकेटपासून दूर आहे
टीम इंडियाचे दोन सीनियर फलंदाज रोहित शर्मा आणि विराट कोहली हे आंतरराष्ट्रीय टी-20 क्रिकेटपासून दूर आहेत. या दोघांनी शेवटचा T20 सामना इंग्लंडविरुद्ध 2022 च्या शेवटच्या T20 विश्वचषकाच्या उपांत्य फेरीत खेळला होता.
त्यानंतर दोन्ही खेळाडूंनी एकही आंतरराष्ट्रीय टी-20 सामना खेळलेला नाही. आगामी विश्वचषकात या दिग्गजांच्या खेळण्यावरून संभ्रम निर्माण झाला आहे. सध्या सूर्यकुमार यादव दक्षिण आफ्रिका दौऱ्यावर संघाचा कर्णधार आहे. टी-20 विश्वचषक खेळण्याबाबतचा अंतिम निर्णय दोन्ही खेळाडूंना घ्यायचा आहे.