Hardik Pandya : एकदिवसीय विश्वचषक 2023 नंतर, भारतीय क्रिकेट संघ ऑस्ट्रेलियाविरुद्ध पाच T20 आंतरराष्ट्रीय सामन्यांची मालिका खेळणार आहे. ही मालिका 23 नोव्हेंबरपासून सुरू होणार आहे.
2023 मध्ये विश्वचषका दरम्यान हार्दिक पंड्याला दुखापत झाली त्यामुळे आता ऑस्ट्रेलियाविरुद्धच्या मालिकेत त्याचे खेळणे कठीण आहे. अशा परिस्थितीत हार्दिकच्या जागी ही जबाबदारी कोण सांभाळणार?
Hardik Pandya जागी हे दोन खेळाडू टीम इंडियाची कमान सांभाळू शकतात
हार्दिक पंड्याच्या जागी सूर्यकुमार यादव किंवा ऋतुराज गायकवाड भारतीय संघाची धुरा सांभाळू शकतात. हार्दिक सोबत सूर्या उपकर्णधार पद सांभाळतो. पण सूर्या विश्वचषकात खेळत आहे. त्यामुळे वरिष्ठ खेळाडूंप्रमाणे बीसीसीआय खेळाडूंवरील कामाचा ताण कमी करून ऑस्ट्रेलियाविरुद्ध ‘नवा’ चेहरा समोर आणू शकते.
अशा स्थितीत विश्वचषकानंतर सूर्यकुमारही सर्व वरिष्ठ खेळाडूंप्रमाणे विश्रांती घेऊ शकतो. रोहित शर्मा, विराट कोहली, लोकेश राहुल, रवींद्र जडेजा आणि तिन्ही वेगवान गोलंदाजांना ऑस्ट्रेलियाविरुद्धच्या T20 मालिकेतून विश्रांती मिळण्याची अपेक्षा आहे.
ऋतुराज गायकवाड टीम इंडियाची कमान सांभाळू शकतो
जर सूर्यकुमार यादवनेही विश्रांती घेतली तर ऑस्ट्रेलियाविरुद्धच्या टी-20 मालिकेसाठी निवडकर्त्यांची पहिली पसंती ऋतुराज गायकवाड असेल. आशियाई क्रीडा स्पर्धेत 26 वर्षीय तरुणाच्या नेतृत्वाखाली भारताने सुवर्णपदक जिंकले आहे. याशिवाय बीसीसीआयच्या सूत्राने हार्दिक पांड्याच्या फिटनेसबाबत चर्चा केली.
सूत्रानुसार, दक्षिण आफ्रिकेविरुद्धच्या टी-20 मालिकेपूर्वी हार्दिक फिट होण्याची शक्यता आहे. मात्र, याबाबतचा अंतिम निर्णय एनसीए मेडिकल सायन्स टीम घेईल. दक्षिण आफ्रिकेविरुद्ध टी-20 मालिका 10 डिसेंबरपासून सुरू होणार आहे.
World Cup 2023 दरम्यान हा भारतीय खेळाडू बनवला बाप…घरी झाले लक्ष्मीचे आगमन.
ऑस्ट्रेलियाविरुद्धची टी-20 मालिका महत्त्वाची
विशेष म्हणजे आगामी टी-20 विश्वचषक जून-जुलैमध्ये अमेरिका आणि वेस्ट इंडिजमध्ये होणार आहे. त्याआधी आयपीएल आहे. अशा परिस्थितीत संघाचे संतुलन आतापासूनच करावे लागणार आहे.
या पार्श्वभूमीवर ऑस्ट्रेलिया आणि दक्षिण आफ्रिकेविरुद्धची मालिका महत्त्वाची ठरणार आहे. अशा परिस्थितीत अर्शदीप सिंग, आवेश खान, मुकेश कुमार यांना ऑस्ट्रेलियाविरुद्धच्या मालिकेत संधी मिळू शकते. संजू सॅमसन, इशान किशन, युझवेंद्र चहल यांनाही संघात स्थान मिळण्याची शक्यता आहे.