World Cup 2023 : टीम इंडिया सध्या विश्वचषक 2023 खेळत आहे, जिथे संघाने चमकदार कामगिरी करत उपांत्य फेरीचे तिकीट निश्चित केले आहे. भारत 15 नोव्हेंबरला उपांत्य फेरीचा सामना न्यूझीलंड विरुद्ध वानखडे मैदानावर खेळताना दिसणार आहे. या सामन्यापूर्वी एका भारतीय खेळाडूने निवृत्ती घेतली आहे.
World Cup 2023 दरम्यान हा खेळाडू निवृत्त
Rachin Ravindra ची RCB मध्ये एंट्री ? स्वतः ट्विट करून दिली माहिती.
वास्तविक, भारताचा मधल्या फळीतील फलंदाज गुरकिरत सिंग मान याने निवृत्ती घेतली आहे. 2023 विश्वचषक स्पर्धा आणि देशांतर्गत क्रिकेटचा हंगाम भारतात सुरू असताना त्याने निवृत्तीची घोषणा केली. 33 वर्षीय गुरकीरतने सोशल मीडियावर एक पोस्ट शेअर करून सर्व प्रकारच्या क्रिकेटमधून निवृत्ती घेत असल्याची माहिती दिली.
2023 च्या विश्वचषकादरम्यान, त्याने सोशल मीडियावर लिहिले कि,
‘आज माझी चमकदार क्रिकेट कारकीर्द संपुष्टात आली आहे. भारताचे प्रतिनिधित्व करताना मला अभिमान आणि आनंद वाटतो. माझे कुटुंब, मित्र, प्रशिक्षक आणि सहकारी यांच्या पाठिंब्याबद्दल माझे हृदय कृतज्ञतेने भरले आहे. माझ्या संपूर्ण प्रवासात मी बीसीसीआय आणि पंजाब क्रिकेट असोसिएशनचे समर्थन, मार्गदर्शन आणि प्रोत्साहन दिल्याबद्दल त्यांचे आभार मानू इच्छितो. आता पुढचा अध्याय सुरू.’
भारतासाठी फक्त तीन वनडे
विश्वचषक 2023 दरम्यान निवृत्त होणाऱ्या गुरकीरत सिंग मानच्या कारकिर्दीबद्दल सांगायचे तर, त्याने आपल्या कारकिर्दीत भारतासाठी 3 एकदिवसीय सामने खेळले आहेत. त्याने 17 जानेवारी 2016 रोजी मेलबर्न येथे ऑस्ट्रेलियाविरुद्धच्या एकदिवसीय सामन्यातून आंतरराष्ट्रीय क्रिकेटमध्ये पदार्पण केले. त्याने 2016 मध्ये ऑस्ट्रेलियाविरुद्ध एकदिवसीय मालिका खेळली होती.
मात्र, त्यानंतर त्याला भारताकडून प्लेइंग इलेव्हनमध्ये खेळण्याची संधी मिळाली नाही. 2015 मध्ये दक्षिण आफ्रिकेविरुद्धच्या कसोटी मालिकेतही तो भारतीय संघाचा भाग होता. मात्र, त्याला खेळण्याची संधी मिळाली नाही. त्याने भारताकडून खेळलेल्या 3 एकदिवसीय सामन्यांमध्ये केवळ 13 धावा केल्या.
Hardik Pandya ऑस्ट्रेलियाविरुद्धच्या T20 मालिकेतून बाहेर, हा 26 वर्षीय खेळाडू होणार कर्णधार
गुकीरत सिंग मानची देशांतर्गत कारकीर्द
गुरकीरत सिंग मानचे देशांतर्गत क्रिकेट उत्कृष्ट राहिले आहे. तो पंजाबकडून देशांतर्गत क्रिकेट खेळला. त्याने 59 प्रथम श्रेणी सामन्यांमध्ये 7 शतके आणि 20 अर्धशतकांसह 3471 धावा केल्या. त्याने 55 विकेट्सही घेतल्या. गुरकीरतने 95 लिस्ट ए क्रिकेट सामन्यांमध्ये 5 शतके आणि 25 अर्धशतकांसह 3369 धावा केल्या आहेत. त्याने लिस्ट ए क्रिकेटमध्ये 33 विकेट घेतल्या.
याशिवाय त्याने 119 टी-20 सामनेही खेळले, ज्यामध्ये त्याने 1986 धावा केल्या. याशिवाय 119 टी-20 सामन्यांमध्ये 41 आयपीएल सामन्यांचाही समावेश आहे. तो पंजाब किंग्ज, दिल्ली कॅपिटल्स, कोलकाता नाईट रायडर्स, रॉयल चॅलेंजर्स बंगलोर आणि गुजरात टायटन्सकडून खेळला आहे. 2022 मध्ये आयपीएल विजेतेपद जिंकणाऱ्या गुजरात टायटन्स संघाचाही तो एक भाग होता. त्याने 41 आयपीएल सामन्यात 2 अर्धशतकांसह 511 धावा केल्या आहेत.