Sachin Tendulkar : IPL 2024 चा 17 वा हंगाम सुरू होण्यापूर्वीच प्रसिद्धीच्या झोतात आला आहे. आयपीएल 2024 साठी 19 डिसेंबर रोजी होणाऱ्या लिलावापूर्वीच अशा अनेक घटना घडल्या ज्यामुळे ही जगातील सर्वात महागडी टी-20 लीग चर्चेत आली आहे.
हार्दिक पांड्या गुजरात सोडून मुंबई इंडियन्समध्ये परतणे, रोहित शर्माच्या जागी हार्दिकची मुंबईचा कर्णधार म्हणून नियुक्ती ही आत्तापर्यंतची सर्वात मोठी बातमी आहे. आता सचिन तेंडुलकरशी संबंधित एक बातमी सोशल मीडियावर खूप ट्रेंड करत आहे.
मुस्लीम असल्याचा मला अभिमान आहे, मला नमाज अदा करायची असेल तर कोण अडवणार ? Mohammed Shami
Sachin Tendulkar ने मार्गदर्शक पद सोडले ?
मुंबई इंडियन्सच्या कर्णधारपदावरून रोहित शर्माला हटवण्यात आल्याच्या निराशेतून क्रिकेट चाहते अद्याप सावरलेले नाहीत, आणि त्यातच आता सोशल मीडियावर सचिन तेंडुलकरशी संबंधित एक बातमी ट्रेंड होत आहे.
रोहितला कर्णधारपदावरून हटवल्यानंतर सचिन तेंडुलकरनेही मुंबई इंडियन्सचे मेंटर पद सोडल्याचे वृत्त आहे. यासंबंधी कोणतीही अधिकृत माहिती समोर आली नसली तरी ही बातमी सोशल मीडिया प्लॅटफॉर्म ‘X’ वर व्हायरल झाली आहे.
टीम इंडियाला मोठा झटका, Mohammed Shami नंतर आता हा भारतीय खेळाडू कसोटी मालिकेतून बाहेर.
Sachin Tendulkar ने मुंबई इंडियन्सचे नेतृत्वही केले आहे.
सचिन तेंडुलकर मूळचा मुंबईचा असून तो आयपीएलच्या सुरुवातीपासून या संघाशी जोडला गेला आहे. या संघाचा आयकॉन खेळाडू असण्यासोबतच तो कर्णधारही होता. तेंडुलकरने 2009 ते 2011 दरम्यान मुंबईचे नेतृत्व केले. 2013 मध्ये आयपीएलमधून निवृत्ती घेतल्यानंतर सचिन एक मार्गदर्शक म्हणून संघाशी जोडला गेला आहे.
अर्जुन तेंडुलकरही संघाचा एक भाग आहे
केवळ सचिन तेंडुलकरच नाही तर त्याचा मुलगा अर्जुन तेंडुलकरही मुंबई इंडियन्सशी संबंधित आहे. अर्जुनला २०२१ मध्ये मुंबईने करारबद्ध केले होते. दोन वर्षांच्या प्रतीक्षेनंतर, सचिनच्या मुलाने 2023 मध्ये कोलकाताविरुद्ध आयपीएलमध्ये पदार्पण केले. त्याने या मोसमात 4 सामने खेळले आणि त्याला 3 विकेट घेता आल्या.