Rishabh Pant
Rishabh Pant : भारतीय क्रिकेट संघाचा यष्टीरक्षक फलंदाज ऋषभ पंत एका भीषण कार अपघाताचा बळी ठरल्यानंतर अनेक दिवसांपासून क्रिकेटपासून दूर आहे. राष्ट्रीय क्रिकेट अकॅडमी मध्ये पुनर्वसन करत असलेला हा खेळाडू पुन्हा तंदुरुस्त होण्याच्या दिशेने वेगाने वाटचाल करत आहे. याच कारणामुळे त्याच्या आंतरराष्ट्रीय क्रिकेटमध्ये पुनरागमनाची चर्चा नेहमीच होत असते.
ऋषभ पंत मधेच काहीतरी करत राहतो, ज्यामुळे त्याचे चाहते त्याच्या झटपट पुनरागमनाबद्दल आणखीनच उत्सुक होतात. पुन्हा एकदा या खेळाडूने असेच काहीसे केले आहे.
पाकिस्तानला मोठा धक्का, आशिया चषक आणि विश्वचषकापूर्वी दोन खेळाडूंनी घेतली अचानक निवृत्ती
ऋषभ पंत मैदानावर उतरला
खेळाडूची परिस्थिती कशीही असो, तो क्रिकेटच्या मैदानात जाण्यापासून स्वत:ला रोखू शकत नाही, असे म्हटले जाते. ऋषभ पंतच्या बाबतीतही तेच आहे. आयपीएल दरम्यान, तो त्याच्या टीम दिल्ली कॅपिटल्सला पाठिंबा देण्यासाठी अरुण जेटली स्टेडियममध्ये पोहोचला. आता हा यष्टिरक्षक फलंदाज दुलीप ट्रॉफीची सेमीफायनल पाहण्यासाठी बेंगळुरूला पोहोचला होता. जिथे पहिल्या सामन्यात खूपच फिट दिसला.
पंत सोबत हार्दिक पांड्याही दिसला
दुलीप ट्रॉफी सेमीफायनल पाहण्यासाठी ऋषभ पंत एकटा बंगळुरूच्या स्टेडियमवर पोहोचला नाही, तर त्याचा टी-20फॉरमॅटचा कर्णधार हार्दिक पंड्याही उपस्थित होता. दोन्ही खेळाडूंनी उपांत्य फेरीचा आनंद तर घेतलाच पण एकमेकांसोबत खूप मस्ती करतानाही दिसले.
ज्याचे फोटो सोशल मीडियावर खूप व्हायरल होत आहेत. मित्रांनो बेंगळुरूच्या एम चिन्नास्वामी स्टेडियमवर उत्तर विभाग आणि दक्षिण विभाग यांच्यात उपांत्य फेरी सुरू होती, जी दक्षिण विभागाने 2 गडी राखून जिंकली.
ऋषभ पंत 2023 च्या एकदिवसीय विश्वचषकासाठी तंदुरुस्त होईल का हा सर्वात मोठा प्रश्न आहे. या अत्यंत महत्त्वाच्या प्रश्नाचे उत्तर बहुधा नाही असेच आहे. डॉक्टरांच्या म्हणण्यानुसार ऋषभ पंतची प्रकृती अपेक्षेपेक्षा चांगली आहे.
पण एकदिवसीय विश्वचषकापर्यंत पूर्णपणे तंदुरुस्त होऊन मैदानात परतणे त्याला शक्य नाही. त्याला त्यापेक्षा जास्त वेळ लागेल. ऋषभ पंत 30 डिसेंबर 2022 रोजी झालेल्या एका भीषण कार अपघातातून थोडक्यात बचावला होता.