World Cup 2023 : 2023 च्या विश्वचषकात भारतीय संघाची कामगिरी उत्कृष्ट राहिली आहे. टीम इंडियाच्या काही खेळाडूंनी चमकदार कामगिरी केली तर काहींनी संघासाठी निराशाजनक कामगिरी केली.
बीसीसीआयचे मुख्य निवडकर्ता अजित आगरकर यांनी आयपीएलमध्ये चमकदार कामगिरी करणाऱ्या खेळाडूला 2023 च्या विश्वचषक स्पर्धेचा भाग बनवले होते, परंतु या खेळाडूने त्याच्या कामगिरीने निराश केले. आता विश्वचषक 2023 नंतर हा खेळाडू भारतीय संघापासून दूर राहणार असल्याचे मानले जात आहे.
IPL 2024 मध्ये या 3 परदेशी खेळाडूंवर पैशांचा पाऊस पडणार, सॅम करनचा 18.5 कोटींचा विक्रम तुटणार
World Cup 2023 मध्ये निराशाजनक कामगिरी
BCCI निवडकर्ते अजित आगरकर यांनी शार्दुल ठाकूरचा 2023 च्या विश्वचषक स्पर्धेसाठी भारताच्या 15 सदस्यीय संघात समावेश केला होता. शार्दुल ठाकूर आपल्या फलंदाजीबरोबरच गोलंदाजीनेही छाप पाडेल, अशी अपेक्षा होती.
पण फलंदाजी सोडा, गोलंदाजीतही तो चमत्कार करू शकला नाही. आता आगामी मालिकेत शार्दुल ठाकूरला टीम इंडियाच्या संघातून बाहेरचा रस्ता दाखवला जाऊ शकतो, असे मानले जात आहे. त्याची कामगिरीही याच दिशेने बोट दाखवणारी आहे.
कामगिरीने प्रभावित करण्यात अपयशी
रोहित शर्माने त्याला 2023 च्या विश्वचषकात तीन सामन्यांमध्ये संधी दिली. शार्दुल ठाकूरने अफगाणिस्तानविरुद्ध 31 धावा देऊन केवळ एक विकेट घेतली. रोहितने त्याला पाकिस्तानविरुद्धही संधी दिली, पण त्याच्या स्पेलमध्ये 12 धावा देऊन त्याने एकही विकेट घेतली नाही.
‘श्रीलंकेत आल्यास दगडाने ठेचून मारेन’, Angelo Mathews च्या भावाने शाकिब अल हसनला दिली धमकी
याशिवाय त्याला बांगलादेशविरुद्धही संधी देण्यात आली होती, परंतु त्याने 10 षटकांच्या स्पेलमध्ये 59 धावा देऊन केवळ एक विकेट घेण्यात यश मिळवले. विश्वचषक 2022 मध्ये त्याने तीन सामन्यांमध्ये केवळ दोन विकेट्स घेतल्या आहेत.
अशी आहे कारकीर्द
शार्दुल ठाकूरने भारतासाठी 10 कसोटी सामन्यात 305 धावा केल्या आहेत आणि 30 बळीही घेतले आहेत. याशिवाय ठाकूरने 47 एकदिवसीय सामने खेळताना 329 धावा करून 65 फलंदाजांना आपला बळी बनवले आहे. त्याने 25 टी-20 सामन्यात 33 विकेट घेतल्या आहेत.