IND Vs SA : विश्वचषक 2023 च्या अंतिम सामन्यातील पराभवानंतर टीम इंडियाला सध्या ऑस्ट्रेलियाविरुद्ध टी-20 मालिका खेळायची आहे. या टी-20 मालिकेनंतर टीम इंडियाला डिसेंबर महिन्यात दक्षिण आफ्रिका दौऱ्यावर जायचे आहे. या दौऱ्यात टीम इंडियाला 3 टी-20, 3 एकदिवसीय आणि 2 कसोटी सामने खेळायचे आहेत.
सध्या जे खेळाडू सूर्यकुमार यादवच्या नेतृत्वाखाली ऑस्ट्रेलियाविरुद्ध टी-20 मालिका खेळत आहेत, तेच खेळाडू दक्षिण आफ्रिका दौऱ्यावर होणाऱ्या टी-20 मालिकेसाठी निवडले जातील, असे मानले जात आहे.
IPL 2024 आधी खळबळजनक खुलासा, पंजाब संघातील खेळाडूंना खूश करण्यासाठी Preity Zinta करते असे काम.
दक्षिण आफ्रिका दौऱ्यावरील 3 टी-20 सामन्यांनंतर टीम इंडियाला 3 एकदिवसीय सामनेही खेळायचे आहेत ज्यासाठी टीम इंडियाचे मुख्य निवडकर्ता अजित आगरकर यांनी अनधिकृतपणे संघाची घोषणा केली आहे.
या मालिकेत रोहित शर्मा टीम इंडियाचे नेतृत्व करताना दिसणार असल्याचे मानले जात आहे. सूत्रांकडून मिळालेल्या वृत्तानुसार, वर्ल्ड कप 2023 च्या संघात उपस्थित असलेल्या 6 खेळाडूंना या मालिकेसाठी टीम इंडियामध्ये संधी मिळणार नाही.
IND Vs SA : रोहित शर्मा टीम इंडियाचा कर्णधार असेल
विश्वचषक 2023 च्या अंतिम सामन्यातील पराभवानंतर अनेक मीडिया रिपोर्ट्समध्ये असे म्हटले जात होते की आता रोहित शर्मा व्हाईट बॉल क्रिकेट मध्ये टीम इंडियाचे कर्णधारपद भूषवताना दिसणार नाही पण बीसीसीआयच्या सूत्रांकडून मिळालेल्या माहितीनुसार रोहित शर्माला कर्णधारपद मिळू शकते.
दक्षिण आफ्रिका दौऱ्यावर होणाऱ्या एकदिवसीय मालिकेसाठी रोहित शर्मा टीम इंडिया नेतृत्व करू शकतो. त्याचवेळी बीसीसीआयचे गुप्त सूत्र असेही सांगत आहेत की रोहित शर्मा चॅम्पियन्स ट्रॉफी 2025 पर्यंत टीम इंडियाचे नेतृत्व करेल.
विश्वचषक संघातील काही खेळाडूंना वगळले जाऊ शकते
2023 च्या विश्वचषक स्पर्धेत टीम इंडियाने चमकदार कामगिरी केली होती, पण तरीही 12 वर्षांनंतर टीम इंडियाला तिसरे विश्वचषक जिंकता आले नाही. त्यानंतर टीम इंडियाच्या मुख्य निवडकर्त्याने विश्वचषक संघातील काही खेळाडूंना संघातून वगळण्याचा निर्णय घेतला आहे.
ज्यामध्ये इशान किशन, सूर्यकुमार यादव, रविचंद्रन अश्विन, शार्दुल ठाकूर, मोहम्मद सिराज आणि प्रसिद्ध कृष्णा यांच्या नावाचा समावेश आहे. या भारतीय खेळाडूंच्या जागी मुख्य निवडकर्ता इतर युवा खेळाडूंना टीम इंडियासाठी एकदिवसीय क्रिकेटमध्ये खेळण्याची संधी देईल.
दक्षिण आफ्रिका वनडे मालिकेसाठी भारताचा संभाव्य संघ
रोहित शर्मा (कर्णधार), शुभमन गिल, ऋतुराज गायकवाड, विराट कोहली, श्रेयस अय्यर, केएल राहुल (उपकर्णधार आणि यष्टीरक्षक), रवींद्र जडेजा, कुलदीप यादव, मोहम्मद शमी, जसप्रीत बुमराह, दीपक चहर, मुकेश कुमार, तिलक वर्मा , वॉशिंग्टन सुंदर आणि रिंकू सिंग.