SA vs IND : भारतीय क्रिकेट संघ सध्या दक्षिण आफ्रिकेच्या दौऱ्यावर आहे. टी-20 मालिकेत 1-1 अशी बरोबरी साधलेल्या टीम इंडियाने एकदिवसीय मालिकेत दक्षिण आफ्रिकेचा 2-1 असा पराभव केला आहे. दक्षिण आफ्रिकेतील भारताचा हा दुसरा वनडे मालिका विजय ठरला.

2018 मध्ये विराट कोहलीच्या नेतृत्वाखाली पहिली कामगिरी केली होती. एकदिवसीय मालिका जिंकल्यानंतर भारताचे पुढील लक्ष्य दक्षिण आफ्रिकेतील कसोटी मालिका जिंकणे आहे, जी आजपर्यंत भारताला जिंकता आलेली नाही. पण कसोटी मालिकेनंतर भारतीय संघाचा वरिष्ठ खेळाडू आंतरराष्ट्रीय क्रिकेटमधून निवृत्ती घेऊ शकतो.

अजित अगरकरला T20 वर्ल्डकपसाठी कर्णधार सापडला, Hardik Pandya ला लवकरच हाकलून देणार.

SA vs IND कसोटी मालिकेनंतर निवृत्ती

दक्षिण आफ्रिकेविरुद्ध खेळली जाणारी 2 सामन्यांची कसोटी मालिका ही 37 वर्षीय भारतीय संघातील ज्येष्ठ खेळाडू आर अश्विनच्या कारकिर्दीतील शेवटची कसोटी मालिका असू शकते. या मालिकेनंतर तो निवृत्तीची घोषणा करू शकतो.

अश्विन निश्चितपणे शेवटचा टी-20 विश्वचषक आणि नुकताच संपलेला एकदिवसीय विश्वचषक खेळला आहे, परंतु तो या दोन्ही फॉरमॅटमध्ये क्वचितच दिसतो. एकदिवसीय विश्वचषकातही त्याला फक्त 1 सामना खेळायला मिळाला. अशाप्रकारे मर्यादित षटकांच्या क्रिकेटमधून बाहेर असलेला हा खेळाडू आता कसोटी क्रिकेटमधूनही निवृत्ती घेऊ शकतो.

SA vs IND मालिकेत महत्त्वाची भूमिका साकारणार

जर दक्षिण आफ्रिकेला त्याच्या भूमीवर कसोटी मालिकेत प्रथमच पराभूत व्हावे लागले, तर आर अश्विन यात महत्त्वाची भूमिका बजावणार आहे. दक्षिण आफ्रिकेच्या फलंदाजांना फिरकी गोलंदाजी खेळताना अनेक समस्यांचा सामना करावा लागतो आणि त्यामुळेच अश्विन या मालिकेत भारताचे सर्वात मोठे हत्यार ठरणार आहे.

Virat Kohli अचानक दक्षिण आफ्रिका दौऱ्यातून बाहेर, धक्कादायक कारण आले समोर.

त्याच्या फिरत्या चेंडूंमुळे दक्षिण आफ्रिकेच्या फलंदाजांना निश्चितच अडचणींचा सामना करावा लागेल, जो भारतासाठी खूप महत्त्वाचा असेल. यासोबतच अश्विन कसोटी फॉरमॅटमध्ये फलंदाज म्हणूनही खूप यशस्वी ठरला आहे. कसोटी मध्ये गोलंदाजी सोबत फलंदाजी मध्ये देखील त्याने हातभार लावला आहे.

करिअरवर एक नजर

2010 मध्ये आपल्या आंतरराष्ट्रीय कारकिर्दीला सुरुवात करणाऱ्या आर अश्विनने 94 कसोटी सामन्यांमध्ये 5 शतके आणि 14 अर्धशतकांसह 3185 धावा केल्या आहेत. यासोबतच त्याच्या नावावर 489 विकेट्स आहेत.

या कालावधीत त्याने 34 वेळा एका डावात 5 विकेट्स आणि 8 वेळा सामन्यात 10 बळी घेण्याचा पराक्रम केला आहे. यासोबतच 116 एकदिवसीय सामन्यांमध्ये 156 विकेट्स आणि 65 टी-20 सामन्यांमध्ये 72 विकेट्स घेतल्या आहेत.