Rohit Sharma : वर्ल्ड कप 2023 चा लीग टप्पा संपला आहे. भारत, दक्षिण आफ्रिका, ऑस्ट्रेलिया आणि न्यूझीलंड या चार उपांत्य फेरीतील संघांची नावेही निश्चित झाली आहेत. भारताने साखळी टप्प्यातील सर्व 9 सामने जिंकून उपांत्य फेरीत प्रवेश केला आहे. आता निळ्या जर्सीचा संघ मुंबईतील वानखेडे स्टेडियमवर 15 नोव्हेंबरला होणाऱ्या पहिल्या उपांत्य फेरीच्या सामन्यात न्यूझीलंडशी भिडणार आहे.
भारताच्या या चांगल्या कामगिरीमध्ये संघातील जवळपास सर्वच खेळाडूंचे योगदान आहे. दरम्यान, रोहित शर्माने संघातील एका खेळाडूवर अन्याय केला असून त्याला निवृत्ती घेण्यास भाग पाडले आहे.
चांगली कामगिरी करूनही Rohit Sharma ने संधी दिली नाही
2023 च्या विश्वचषक स्पर्धेसाठी निवडलेला अक्षर पटेल आशिया चषक 2023 दरम्यान जखमी झाल्याने अनुभवी फिरकी गोलंदाज रविचंद्रन अश्विनचा भारतीय संघात समावेश करण्यात आला होता. अश्विनला 2023 च्या विश्वचषकातील पहिल्या सामन्यात ऑस्ट्रेलियाविरुद्ध खेळण्याची संधी देण्यात आली, ज्यामध्ये त्याने एक विकेट घेतली.
मात्र या सामन्यानंतर रोहित शर्माने लीग टप्प्यातील पुढील 8 सामन्यांमध्ये अश्विनचा प्लेईंग इलेव्हनमध्ये समावेश केला नाही. उजव्या हाताच्या फिरकीपटूने 2023 च्या विश्वचषकापूर्वी ऑस्ट्रेलियाविरुद्धच्या घरच्या वनडे मालिकेत 2 सामन्यांत 4 बळी घेऊन आपली प्रतिभा दाखवली. याआधी अश्विनने आपला शेवटचा वनडे सामना जानेवारी 2022 मध्ये खेळला होता.
विश्वचषक 2023 नंतर अश्विन निवृत्ती जाहीर करेल
अनुभवी फिरकीपटू रविचंद्रन अश्विन विश्वचषक 2023 नंतर निवृत्तीची घोषणा करू शकतो. गेल्या दीड वर्षात वनडे फॉरमॅटमध्ये ज्याप्रकारे त्याला दुर्लक्षित केले गेले ज्यामुळे कोणत्याही खेळाडूचे मनोधैर्य खचू शकते.
World Cup Semifinal मध्ये विराटच्या बॅटला गंज लागते. 2011 पासून याच समस्येशी झुंजतोय; बघा आकडे.
मात्र, अश्विनने हार मानली नाही आणि कसोटी फॉरमॅटमध्ये चांगली कामगिरी सुरूच ठेवली. यानंतर त्याला विश्वचषक संघात स्थान मिळाले, मात्र येथेही त्याला संधी दिली जात नाहीये.
उजव्या हाताच्या ऑफ-स्पिनरने आतापर्यंत खेळलेल्या 116 एकदिवसीय सामन्यांमध्ये 4.93 च्या इकॉनॉमी रेटने 156 विकेट घेतल्या आहेत. याशिवाय 65 टी-20 सामन्यांमध्ये 72 यश त्याच्या नावावर आहेत.
कसोटी फॉरमॅटबद्दल बोलायचे झाले तर अश्विनने यामध्येही उत्कृष्ट कामगिरी केली आहे. त्याने 94 कसोटी सामन्यांच्या 178 डावांमध्ये 23.66 च्या सरासरीने 489 विकेट्स घेतल्या आहेत.