चेन्नई सुपर किंग्ज (CSK) च्या चाहत्यांनो तुमच्यासाठी एक आनंदाची बातमी आहे. कर्णधार महेंद्रसिंग धोनीच्या गुडघ्यावरची शस्त्रक्रिया यशस्वी झाली आहे. सूत्रांनी क्रिकबझला सांगितले की ऑपरेशन चांगले झाले आणि भारताचा माजी कर्णधार पूर्णपणे तंदुरुस्त आहे. डिस्चार्ज मिळण्यापूर्वी धोनी आणखी काही दिवस रुग्णालयातच राहील. IPL 2023 च्या मोसमात धोनी गुडघ्याच्या समस्येशी झुंजताना दिसला होता. त्याने गुडघ्याची टोपी (नी-कॅप) देखील घातली होती.
सीएसकेचे सीईओ विश्वनाथन यांनी गुरुवारी सकाळी शस्त्रक्रियेनंतर धोनीशी बोलल्याचे उघड केले. CSK अधिकाऱ्याने याची पुष्टी करताना सांगितले- “मी धोनीच्या ऑपरेशननंतर त्याच्याशी बोललो. मी शस्त्रक्रिया काय आहे हे स्पष्ट करू शकत नाही, परंतु आम्हाला सांगण्यात आले आहे की ही की-होल सर्जरी आहे. माझ्याशी बोलताना धोनी एकदम ठणठणीत होता.”
विशेष म्हणजे धोनीचे कनेक्शन ऋषभ पंतशीही जुळले आहे. खरेतर, क्रीडा वैद्यक तज्ज्ञ डॉ. दिनशॉ पार्डीवाला यांनी यापूर्वी ऋषभ पंतवर अशाच समस्येसाठी शस्त्रक्रिया केली होती. मुंबईतील प्रसिद्ध हॉस्पिटल कोकिलाबेन रुग्णालयात दिनशॉ पार्डीवाला यांनी धोनीवर शस्त्रक्रिया केली. धोनीची पत्नी साक्षी त्याच्यासोबत रुग्णालयात आहे. माहिला 31 मे बुधवारी रोजी संध्याकाळी रुग्णालयात दाखल केले.
धोनी सुमारे दोन महिन्यांत बरा होईल
धोनीच्या उपचारांवर देखरेख करण्यासाठी CSK व्यवस्थापनाने त्यांचे टीम डॉक्टर मधू थोटापिल यांची मुंबईत नियुक्ती केली आहे. त्याच्या पूर्ण बरे होण्याच्या नेमक्या वेळेबद्दल कोणतीही अचूक माहिती उपलब्ध नाही, परंतु धोनी सुमारे दोन महिन्यांत बरा होईल असा अंदाज आहे.
सोमवारी रात्री आयपीएल जिंकल्यानंतर धोनीने पुढच्या वर्षी परत येण्याचे आणि त्याच्या चाहत्यांसाठी शेवटचा सीझन खेळण्याचे आश्वासन दिले. हे ठरवण्यासाठी त्यांच्याकडे 9 महिन्यांचा कालावधी असल्याचे त्यांनी सांगितले.