IND vs NED : विश्वचषक 2023 मध्ये नेदरलँड्सविरुद्ध खेळल्या जाणाऱ्या सामन्यात रोहित शर्माचा सुपरहिट शो पुन्हा एकदा पाहायला मिळाला. हिटमॅनने पुन्हा भारतीय संघाला चांगली सुरवात करून दिली आणि अवघ्या 54 चेंडूत 61 धावांची जलद खेळी केली. रोहितने आपल्या इनिंगमध्ये दोन गगनचुंबी षटकार मारून सचिन तेंडुलकरचा मोठा विक्रम मोडला आहे.
IND vs NED : रोहितने सचिनला मागे टाकले
बेंगळुरूच्या चिन्नास्वामी क्रिकेट स्टेडियमवर सर्वाधिक षटकार मारण्याचा विक्रम आता रोहित शर्माच्या नावावर आहे. या मैदानावर हिटमॅनने आतापर्यंत एकूण 32 षटकार मारले आहेत. रोहित कोणत्याही एका मैदानावर सर्वाधिक षटकार मारणारा भारतीय फलंदाज बनला आहे.
या प्रकरणात त्याने सचिन तेंडुलकरला मागे टाकले आहे. शारजाच्या मैदानावर सचिनच्या नावावर 30 षटकार आहेत. तर एमएस धोनीने इडन गार्डन्सवर 19 षटकार मारले आहेत, तर सौरव गांगुलीने एका मैदानावर 18 षटकार मारले आहेत.
हिटमॅनने विश्वविक्रम केला
एकदिवसीय क्रिकेटमध्ये रोहित शर्मा एका कॅलेंडर वर्षात सर्वाधिक षटकार मारणारा फलंदाज बनला आहे. हिटमॅनने 2023 मध्ये आतापर्यंत एकूण 59 षटकार मारले आहेत. या बाबतीत त्याने 2015 मध्ये 58 षटकार ठोकणाऱ्या एबी डिव्हिलियर्सला मागे टाकले आहे. त्याच वेळी, रोहित आता ख्रिस गेलच्या पुढे गेला आहे ज्याने 2019 मध्ये 56 षटकार ठोकले आहेत.
कर्णधार म्हणूनही चमत्कार
रोहित शर्मा एकदिवसीय विश्वचषकाच्या एका मोसमात सर्वाधिक षटकार मारणारा कर्णधार बनला आहे. रोहितने या स्पर्धेत आतापर्यंत 23 षटकार मारले आहेत.
IPL 2024 मध्ये विराट कोहली या खेळाडूवर करोडो खर्च करणार. 16 वर्षांनंतर RCB जिंकणार पहिली ट्रॉफी
या बाबतीत, त्याने इऑन मॉर्गनला मागे टाकले आहे, ज्याने 2019 मध्ये एकूण 22 षटकार ठोकले होते. एबी डिव्हिलियर्सने 2015 मध्ये कर्णधार म्हणून 21 षटकार मारले होते. या वर्ल्ड कपमध्ये रोहित जबरदस्त फॉर्ममध्ये आहे.