Sachin Tendulkar : क्रिकेटचा देव म्हटला जाणारा महान सचिन तेंडुलकर केवळ भारतासाठीच नाही तर संपूर्ण जागतिक क्रिकेटसाठी एक आदर्श खेळाडू आहे. क्रिकेट खेळणाऱ्या प्रत्येक तरुणाचे सचिनसारखे बनण्याचे स्वप्न असते.
टीम इंडियाकडेही सचिनसारखे गुण असलेला युवा खेळाडू आहे. हा खेळाडू इतका प्रतिभावान आहे की तो स्वबळावर विश्वचषक जिंकवू शकतो. आयसीसीनेही हे मान्य केले आहे. पण परिस्थिती अशी आहे की बीसीसीआयचे निवडकर्ते या युवा खेळाडूकडे बऱ्याच दिवसांपासून दुर्लक्ष करत आहेत.
पृथ्वी शॉने मुंबईत बांद्रा येथे खरेदी केले 10.05 कोटी रुपयांचे आलिशान अपार्टमेंट, बघा आतील फोटो
आयसीसी त्याला Sachin Tendulkar मानते
ज्या खेळाडूला ICC ने भारताचा पुढचा सचिन तेंडुलकर म्हणून मानले आहे तो दुसरा कोणी नसून पृथ्वी शॉ आहे. युवा खेळाडू शॉ बऱ्याच काळापासून टीम इंडियाचा भाग नाही. या युवा खेळाडूने टीम इंडियासाठी शेवटचा सामना 2021 मध्ये श्रीलंकेविरुद्ध खेळला होता. तेव्हापासून हा खेळाडू टीम इंडियाच्या बाहेर आहे. मात्र, यावर्षी न्यूझीलंडविरुद्धच्या टीम इंडियात शॉला संधी देण्यात आली होती. मात्र तो सामना खेळू शकला नाही.
फॉर्ममध्ये अचानक घट
पृथ्वी शॉने जेव्हा आंतरराष्ट्रीय क्रिकेटमध्ये पदार्पण केले तेव्हा त्याला सचिन तेंडुलकर आणि वीरेंद्र सेहवाग यांचे मिश्रण मानले जात होते. कारण या युवा खेळाडूमध्येही वीरूसारखे आक्रमक फटके खेळण्याची गुणवत्ता होती आणि डावाला झटक्यात वळण देण्याचे गुण देखील होते.
पण अचानक त्याच्या फॉर्म मध्ये घट झाल्यामुळे या खेळाडूचा टीम इंडियात सामील होण्याचा मार्ग बंद झाला. यंदा या युवा खेळाडूने कोणत्याही स्पर्धेत फलंदाजी केली नाही. आयपीएल असो की देशांतर्गत स्पर्धा, खेळाडूने निराशाजनक कामगिरी केली आहे.
इंग्लंडमध्ये शानदार खेळ
ICC कडून भारताचा पुढचा सचिन तेंडुलकर मानल्या जाणार्‍या पृथ्वी शॉने इंग्लंडच्या देशांतर्गत रॉयल लंडन वनडे चषकात खेळताना शानदार खेळ केला. पृथ्वी शॉने रॉयल लंडन चषक 2023 मध्ये नॉर्थम्प्टनशायरसाठी चार सामन्यांत 429 धावा केल्या.
त्याने 143.00 च्या सरासरीने 2 शतके आणि 2 अर्धशतके झळकावली. याशिवाय शॉने या स्पर्धेत द्विशतकही झळकावले. 244 धावांची शानदार खेळी करत सर्वांचे लक्ष वेधून घेतले. मात्र, 4 सामन्यांनंतर शॉला दुखापत झाली आणि तो स्पर्धेतून बाहेर पडला.
Shreyas Iyer च्या शतकामुळे रोहितच्या मित्राची कारकीर्द उध्वस्त…आता पुन्हा कधीच…
पृथ्वी शॉची आंतरराष्ट्रीय कारकीर्द
याशिवाय पृथ्वी शॉच्या आंतरराष्ट्रीय कारकिर्दीबद्दल बोलायचे झाले तर शॉने कसोटी क्रिकेटमध्ये 10 सामने खेळले असून 117.25 च्या सरासरीने 607 धावा केल्या आहेत. त्याने 3 शतके आणि 1 अर्धशतक झळकावले आहे. याशिवाय शॉने एकदिवसीय क्रिकेटमध्ये 25 सामने खेळले असून 35.33 च्या सरासरीने 733 धावा केल्या आहेत.
त्याने 2 अर्धशतके झळकावली आहेत. शॉने T20I क्रिकेटमध्ये 18 सामने खेळले आहेत आणि 28.78 च्या सरासरीने 345 धावा केल्या आहेत. त्याने 2 अर्धशतके झळकावली आहेत. त्याची सर्वोच्च धावसंख्या ५० धावा आहे.